Навiны супольнасцi

Інстытут палітычных даследаванняў "Палітычная сфера" выказвае спачуванні пацярпелым і родным загінулых у выніку тэракту ў мінскім метро 11 красавіка

Інстытут палітычных даследаванняў "Палітычная сфера", часопіс “Arche” і штотыднёвік “Наша Ніва” рыхтуюць кнігу пра масавыя вулічныя акцыі перыяду 1988-2009 гадоў.

Выйшаў у свет новы нумар часопіса "ARCHE" (№1, 2011), які цалкам прысвечаны падзеям 19 снежня 2010 г. Сярод аўтараў часопіса тры супрацоўнікі Інстытута палітычных даследаванняў "Палітычная сфера": Андрэй Ягораў, Дзяніс Мельянцоў і Андрэй Казакевіч.

23 сакавіка адбылося калектыўнае абмеркаванне манаграфіі "Шляхі еўрапеізацыі Беларусі" пад рэдакцыяй Вольгі Шпарагі, у якім прынялі ўдзел супрацоўнікі Інстытута палітычных даследаванняў "Палітычная сфера" Аляксей Ластоўскі (як адзін з аўтараў манаграфіі і рэцэнзент), Дзяніс Мельянцоў, Андрэй Казакевіч і Сяргей Богдан.

8 красавіка, а 15-й гадзіне, на падворку ЦСІ адбудзецца чарговы перакладчыцкі семінар. Тэма семінара: "Пераклад на беларускую мову са старагрэчаскай і лацінскай моваў". Асноўны дакладчык: кандыдат філасофскіх навук, выкладчык Беларускага дзяржаўнага універсітэта Павел Баркоўскі.

5 красавіка, а 18-й гадзіне, на падворку ЦСІ абудзецца чарговае паседжанне даследчага семінару Інстытута палітычных даследаванняў “Палітычная сфера”. Тэма дакладу: "Імперская настальгія як лейтматыў Цэнтральнай Еўропы".

Аб’яўляецца збор тэкстаў для чарговага нумару часопіса “Палітычная сфера”. Асноўная тэма нумару – моўная палітыка і палітыка мовы. Матэрыялы для друку ў №16 прымаюцца да 25 траўня 2011 года.

23 сакавіка ў 18.30 у галерэі "Ў" (г.Мінск, пр-кт Незалежнасці, 37 А) адбудзецца абмеркаванне кнігі: «Шляхі еўрапеізацыі Беларусі: паміж палітыкай і канструяваннем ідэнтычнасці (1991-2010)» (пад. рэд. В. Шпарагі).

11 сакавіка а 18-й гадзіне абудзецца паседжанне тэарэтычнага семінару Інстытута палітычных даследаванняў “Палітычная сфера”, пад час якога будзе разгледжаны тэкст аўтара D. Easton "The Future of Postbehavioral Phause in Political Science" з кнігі “Contemporary Empirical Political Theory”.

Паважанае спадарства! Кансорцыум беларускіх і літоўскіх арганізацыяў, пад эгідай Універсітэта Вітаўта Вялікага (Літва) і Інстытута “Палітычная сфера” (Беларусь) аб’яўляе пра збор заявак для ўдзелу ў Першым міжнародным кангрэсе даследчыкаў Беларусі, які мае адбыцца 23-25 верасня 2011 года (Коўна, Літва).

Шаноўнае спадарства! Рады паведаміць Вам пра заснаванне Міжнароднага Кангрэса даследчыкаў Беларусі. Кангрэс заснаваны прадстаўнікамі беларускай і літоўскай грамадскасці як штогадовае публічнае мерапрыемства, арыентаванае як на інтэлектуальную супольнасць, так і шырокія грамадскія колы Беларусі і іншых краін: экспертаў, журналістаў, грамадскіх дзеячоў, студэнтаў і г. д.

26 студзеня, а 18-й гадзіне, на падворку ЦСІ абудзецца чарговае паседжанне даследчага семінару Інстытута палітычных даследаванняў “Палітычная сфера”. Тэма дакладу: “Санкцыі як механізм знешняй палітыкі: досвед Беларусі і іншых краін”.

Паважаныя сябры! Калектыў Інстытута палітычных даследаванняў "Палітычная сфера" віншуе Вас з Новым годам і Калядамі! Жадаем Вам, Вашым родным і блізкім усяго самага найлепшага!

Артыкул беларускага культуролага і філосафа, кандыдата філасофскіх навук Ірыны Міхеевай "Крывiя" и "Zadruga" как культурно-политические горизонты национально-возрожденческих проектов Беларуси и Польши: опыт сравнительного анализа", надрукаваны ў трынаццатым нумары часопіса "Палітычная сфера", атрымаў дыплом Пасольства Рэспублікі Польшча ў Рэспубліцы Беларусь у конкурсе дыпломных і навуковых прац, прысвечаных польскай праблематыцы

18 снежня у галерэі " Ў" (пр. Незалежнасці, 38а) адбылося святкаванне гадавіны «Беларускай філасофскай прасторы». Падчас мерапрыемства адбылося ўганараванне перакладу на беларускую мову кнігі палітолага Майкла Урбана "Беларуская савецкая эліта: 1966-1986". Пераклад быў выкананы Інстытутам палітычных даследаванняў "Палітычная сфера".

22 снежня, а 18-й гадзіне, на падворку ЦСІ абудзецца чарговае паседжанне даследчага семінару Інстытута палітычных даследаванняў “Палітычная сфера”. Тэма дакладу: “Сацыяльнае вучэнне Рускай Праваслаўнай царквы і геапалітычная ідэя рускага свету ”.

8 снежня, а 18-й гадзіне, на падворку ЦСІ абудзецца чарговае паседжанне даследчага семінару Інстытута палітычных даследаванняў “Палітычная сфера”. Тэма дакладу: "Этнагенетычныя ідэі і іх палітычнае значэнне".

24 лістапада, а 18-й гадзіне, на падворку ЦСІ абудзецца чарговае паседжанне даследчага семінару Інстытута палітычных даследаванняў "Палітычная сфера". Тэма дакладу: "Гістарычная памяць беарускіх палякаў: паміж афіцыйнымі наратывамі і сямейнай памяццю".

Выйшла ў свет брашура "Рэгіянальныя онлайн-медыі і мясцовыя выбары" (Беларусь, 2010 год) з серыі "Даследаванні Беларусі". Кіраўнік даследавання: Андрэй Храпавіцкі (Інстытут "Палітычная сфера"); кансультант: Аляксей Крывалап ( Інстытут "Палітычная сфера", Еўрапейскі гуманітарны універсітэт).

Паважанае спадарства! Рады Вам паведаміць пра выхад чарговага нумара часопіса "Палітычная сфера". Тэма нумара: "Нацыя vs. нацыянальны праект"