7-ы Міжнародны Кангрэс даследчыкаў Беларусі адбудзецца 15-17 верасня 2017

Абвешчаны даты і месца правядзення Сёмага Міжнароднага Кангрэса даследчыкаў Беларусі.

Галоўная беларуская акадэмічная падзея адбудзецца 15-17 верасня 2017 года ў Варшаве.

Асноўным акадэмічным партнёрам з польскага боку выступіць Collegium Civitas (www.civitas.edu.pl (http://www.civitas.edu.pl)) Традыцыйна на Кангрэс збярэцца каля 500 навукоўцаў і экспертаў з Беларусі і іншых краін, чакаюцца дыскусіі і прэзентацыі, а таксама наданне Прэміі за найлепшыя навуковыя публікацыі па вынікам 2015 і 2016 гадоў.

План падрыхтоўкі Кангрэса: Збор заявак на стварэнне секцый і панэляў – з 16 студзеня па 10 сакавіка 2017 года.

Збор намінацый на прэмію Кангрэса за найлепшую навуковую публікацыю па вынікам 2015-2016 гадоў – да 10 сакавіка 2017 года.

Вызначэнне папярэдняга спісу секцый – да 20 сакавіка.

Збор індывідуальных заявак – да 10 мая.

Вызначэнне фінальнага спісу секцый на падставе збору індывідуальных заявак – да 20 мая.

Размеркаванне субсідый на пражыванне і транспарт – да 15 чэрвеня.

Рассылка індывідуальных запрашэнняў – да 25 чэрвеня.

Да 5 ліпеня ўдзельнікі мусяць пацвердзіць свой удзел.

Папярэдняя праграма кангрэса – да 15 жніўня.