Інстытут палітычных даследаванняў "Палiтычная сфера"
Інстытут палітычных даследаванняў “Палітычная сфера”, Беларускі інстытут стратэгічных даследаванняў (BISS) і сайт экспертнай супольнасці “Наше мнение” запрашаюць на прэзентацыю кнігі «Белорусский ежегодник-2009».
Прэзентацыя адбудзецца ў чацвер, 10 чэрвеня, а 17-й гадзіне ў канферэнц-зале Royal гатэля Сrowne Plaza па адрасе вул. Кірава, 13
«Белорусский ежегодник» – стаўшая традыцыяй штогадовая калектыўная акцыя экспертна-аналітычнай супольнасці Беларусі па складанні, канцэптуалізацыі і прадастаўленні летапіса найноўшай гісторыі краіны. Гэта унікальнае выданне прадстаўляе комплексны аналітычны агляд падзей і тэндэнцый ў розных сферах дзяржавы і грамадства.
У працы над «Ежегодником» прымалі ўдзел незалежныя аналітыкі і эксперты, а таксама спецыялісты, якія прадстаўляюць розныя даследчыя цэнтры, такія як Беларускі інстытут стратэгічных даследаванняў, Інстытут палітычных даследаванняў «Палітычная сфера», даследчы цэнтр Інстытута прыватызацыі і мэнэджмента, Агенцтва гуманітарных тэхналогій – Цэнтр сацыяльных інавацый, лабараторыя аксіяметрычных даследаванняў НОВАК, Незалежны інстытут сацыяльна-палітычных і эканамічных даследаванняў, Цэнтр усходніх даследаванняў (Варшава), аналітычны цэнтр «Полесский фонд международных и региональных исследований» (Чарнігаў), даследчы цэнтр eBelarus.
Пра свой намер удзельнічаць у мерапрыемстве просьба паведаміць каардынатару BISS Людміле Берташ по телефоне (+375296260499) альбо па электроннай пошце [email protected]
