![](https://palityka.org/wp-content/uploads/2024/01/vdu_logo2014-seminaria.jpg)
«Дэмакратыя і тэхналогіі: лічбавыя інструменты і еўрапейскія каштоўнасці»
(15-21 лютага 2024 г., Вільня, Літва)
Цэнтр Чэслава Мілаша Універсітэта Вітаўта Вялікага паведамляе аб цудоўнай магчымасці для беларускіх студэнтаў прыняць удзел у зімовым лагеры, прысвечаным лічбавай дэмакратыі і актыўнасці. Абвешчаны дадатковы набор у лагер, які пройдзе з 15 па 21 лютага ў турыстычна-аздараўленчым комплексе пад Вільняй (40 км). Калі ласка, падавайце заяўку па наступнай спасылцы: https://forms.gle/VMhU1ipadWQDu7JA8
Калі вы жадаеце развіць крытычнае мысленне і лідарскія якасці, а таксама прыняць удзел у новым фармаце навучання, запоўніце форму вышэй, каб зарэгістравацца. Абраныя ўдзельнікі прымуць удзел у інтэрактыўных занятках і дыскусіях накіраваных на:
• Палітычныя і сацыяльныя наступствы распаўсюджвання лічбавых тэхналогій, а таксама магчымасці пазітыўнага іх выкарыстання;
• Выяўленне і супрацьдзеянне скаардынаванай прапагандзе і маніпулятыўным паводзінам з боку дзяржаў і карпарацый; магчымасці выкарыстання лічбавых тэхналогій для ўмацавання дэмакратыі і моладзевай актыўнасці;
Таксама вас чакаюць мультымедыйныя творчыя студыі (мантаж відэа і тэатр), арыентаваныя на лідарства, распаўсюд ідэй і развіццё навыкаў.
Глядзіце дадатковую інфармацыю ніжэй:
• Да ўдзелу запрашаюцца беларускія студэнты, якія навучаюцца ў Літве і Польшчы. Узрост удзельнікаў – да 27 гадоў.
• Рабочыя мовы лагера – беларуская і руская; праграма і вучэбна-метадычныя матэрыялы распрацаваны на беларускай і англійскай мовах.
• Трэнерамі і лектарамі лагера будуць выкладчыкі з Універсітэта Капенгагена, Універсітэта Вітаўта Вялікага і іншых літоўскіх даследчых і адукацыйных інстытуцый
• Удзел у лагеры бясплатны. Выдаткі на пражыванне, харчаванне і праезд ад месца сустрэчы ў Вільні пакрываюць арганізатары. Арганізатары не аказваюць візавай падтрымкі. Праезд у Вільню аўтобусам ці цягніком таксама можа быць кампенсаваны.
• Лагер завершыцца стварэннем распрацаваных студэнтамі праектаў. Праектам-пераможцам будзе прапанавана кансультацыйная і фінансавая падтрымка для рэалізацыі.
• Апошні тэрмін падачы запоўненых формаў – 1 лютага 2024 г.З адабранымі кандыдатамі мы звяжамся пасля 3 лютага 2024 г. Па ўсіх пытаннях пішыце Аляксею Ластоўскаму ([email protected]).