Інстытут палітычных даследаванняў “Палітычная сфера” правёў 24 мая 2023 года ў Варшаве канферэнцыю “Незалежнае кнігавыдаўніцтва Беларусі: выклікі і магчымасці”. Партнёрамі ў падрыхтоўцы канферэнцыі выступалі Праект падтрымкі грамадзянскай супольнасці Беларусі Belarus Beehive і Інстытут беларускай кнігі.
Напачатку адбылася прэзентацыя даследавання “Выданне беларускіх кніг: стан галіны, выклікі і перспектывы”.
Андрэй Казакевіч (Інстытут “Палітычная сфера”) прадставіў агляд асноўных тэндэнцый сусветнага кніжнага рынку, асобных краін (ЗША, Польшча, Літва), а таксама дэтальны аналіз статыстыкі пра выданне беларускіх кніг у 2013-2022 гадах. У тым ліку былі закрануты перспектывы папяровых, лічбавых і аўдыёкніг; тэндэнцыі распаўсюду (online, offline), палітыкі коштаў, папулярнасці жанраў, узроставыя і іншыя асаблівасці сучаснага кнігаспажывання. Аляксей Ластоўскі (Інстытут “Палітычная сфера”) распавёў пра вынікі другой часткі даследавання на аснове глыбінных інтэрв’ю з выдаўцамі кніг пра стан галіны і яе перспектывы.
Даследаванне было ажыццёўлена па ініцыятыве і пры падтрымцы Беларускай рады культуры.
Наступнай часткай канферэнцыі стаў круглы стол “Незалежнае выданне беларускіх кніг: выклікі, магчымасці, рэкамендацыі”. У ім прынялі ўдзел незалежныя кнігавыдаўцы і эксперты Цімох Акудовіч, Валянціна Андрэева, Павел Баркоўскі, Валер Булгакаў, Аліна Коўшык, Ігар Логвінаў.
У рамках круглага сталу абмяркоўваліся стан і выклікі для незалежнага выдання беларускіх кніг, а таксама сфармуляваць патрэбы для галіны. Па выніках круглага сталу плануецца падрыхтаваць аналітычную запіску (policy paper) з пазначэннем рэкамендацый для еўрапейскіх і нацыянальных інстытуцый, фондаў, структур грамадзянскай супольнасці.
Фінальная часткай мерапрыемства стала і дыскусія “Выданне беларускіх часопісаў. Вызначэнне выклікаў, выпрацоўка рэкамендацый і супольнай стратэгіі”.
Падчас дыскусіі абмяркоўваліся стан і выклікі для незалежнага выдання беларускіх часопісаў ці часопісаў пра Беларусі, былм вызначаныя магчымыя накірункі супрацоўніцтва, механізмы інфармацыйнага абмену і сеткавага ўзаемадзеяння.
Удзельнікі: Валер Булгакаў, Наталля Гардзіенка, Алена Маркава, Дарота Міхалюк, Алесь Пашкевіч, Паліна Прысмакова, Алесь Смалянчук.
![](https://palityka.org/wp-content/uploads/2023/05/IMG_5984-1-1024x768.jpg)
![](https://palityka.org/wp-content/uploads/2023/05/IMG_5989-1-1024x667.jpg)