Інстытут палітычных даследаванняў "Палiтычная сфера"
27 снежня быў апублікаваны тэкст праекту новай Канстытуцыі, які будзе вынесены на рэферэндум. Якая канфігурацыя ўлады запланаваная паводле гэтага праекту, якія новыя артыкулы Канстытуцыі прыцягваюць найбольшую ўвагу? Навошта ў новай канстытуцыі прапаноўваецца замацаваць статус так званага Усебеларускага народнага сходу як паралельнай парламенту структуры, вышэйшай за яго ў паўнамоцтвах? Што кажа гэты праект пра паабяцаны Лукашэнкам так званы транзіт улады?
Знайсці адказы на гэтыя пытанні разам з Віталём Цыганковым спрабаваў дырэктар інстытуту «Палітычная сфера», доктар палітычных навук Андрэй Казакевіч.
Некаторыя думкі, агучаныя Андрэем Казакевічам у часе «Размовы»:
- Паўнамоцтвы так званага ўсебеларускага народнага сходу парушаюць усё магчымае падзяленне ўлады
- Мадэль канстытуцыі, прапанаваная Лукашэнкам, падобная да іранскай
- Улады будуць рабіць акцэнт у камунікацыі з грамадствам на Вялікай Айчыннай вайне
- У канстытуцыі, прапанаванай Лукашэнкам, не так шмат ідэалогіі, як магло быць
«Размову» цалкам глядзіце на YouTube-канале «Belsat News».
