Інстытут палітычных даследаванняў "Палiтычная сфера"
Аб’яўляецца збор матэрыялаў для чарговага нумару часопіса Інстытута славістыкі Польскай акадэміі навук Acta Baltico–Slavica, Tom 41
Дэдлайн – 15.05.2016
Польшча – Літва – Беларусь: гісторыя, якая дзеліць і яднае.
Том будзе прысвечаны складаным пытанням гістарычных узаемадачыненняў Польшчы, Літвы і Беларусі, іх асвятленню нацыянальнымі гістарыяграфіямі, а таксама адлюстраванню ў культурнай і камунікатыўнай памяці. Эпоха нацыяналізмаў стала эпохай канфлікту нацыянальных гістарыяграфій, але насуперак дамінуючай тэндэнцыі неаднаразова прадпрымаліся спробы адстаяць ідэю непадзельнасці лёсу «гістарычнай Літвы» і Польшчы. Звычайна іх аўтары аказваліся на перыферыі навукі і грамадскай думкі, але намаганні гэтых “апошніх грамадзянаў Вялікага Княства Літоўскага” таксама заслугоўваюць увагі сучасных даследчыкаў.
Рэдакцыя заахвочвае да рэфлексіі над праблемай гісторыі, якая дзеліць і яднае. Прымаюцца тэксты на польскай, англійскай, беларускай і рускай мовах.
Запрашаем прыняць удзел гісторыкаў, даследчыкаў культуры і памяці.
Аляксандр Смалянчук – [email protected]
Acta Baltico-Slavica. Tom 41
