Інстытут палітычных даследаванняў "Палiтычная сфера"
30 кастрычніка Беларускі дзяржаўны універсітэт адзначыў дзевяностагадовы юбілей. Калектыў Інстытута палітычных даследаванняў далучаецца да віншаванняў.
Для цэлага шэрагу прадстаўнікоў супольнасці “Палітычнай сферы” – Андрэя Казакевіча, Андрэя Ягорава, Юрыя Чавусава, Таццяны Чыжовай, Алеся Шамякіна, Наталлі Васілевіч – БДУ з’яўляецца alma-mater. Таксама важна не забываць, што прафесійная суполка палітолагаў, якая пазней трансфармавалася ў рэдакцыю часопіса “Палітычная сфера”, паўстала менавіта ў сценах Беларускага дзяржаўнага універсітэта.
Былыя студэнты і аспіранты сёння займаюцца навуковай, аналітычнай і выдавецкай дзейнасцю на нацыянальным і міжнародным узроўні. У верасні гэтага года намаганнямі супрацоўнікаў Інстытута разам з літоўскім партнёрамі ва Універсітэце Вітаўта Вялікага (г. Коўна) прайшоў Першы Міжнародны Кангрэс даследчыкаў Беларусі. Асноўную частку беларускіх удзельнікаў Кангрэса складалі прадстаўнікі БДУ. Інстытут “Палітычная сфера” вітае дадзены факт і верыць, што практыка міжуніверсітэцкага дыялогу будзе працаваць на карысць развіцця айчыннай навукі.
