Беларускі Калегіюм прадстаўляе: круглы стол “Сучасная літаратура: актуальнасць класікі”

13 лютага, у суботу, а 12:00-13:30, у рамках V міжнароднага паэтычнага фестываля памяці Міхася Стральцова “Вершы на асфальце”, у Літаратурным музеі Петруся Броўкі (вул. К. Маркса, 30) адбудзецца круглы стол “Сучасная літаратура: актуальнасць класікі”.

Сёння літаратура відавочна страчвае тое значнае месца, што займала ў папярэднія эпохі. З гэтага паўстаюць асноўныя пытанні для абмеркавання: ці могуць аўтары мінулага сказаць нешта істотнае цяперашняму грамадству? Ці абавязкова ведаць літаратурную класіку сённяшняму адукаванаму чалавеку? Якая роля класічнай літаратуры ў сучаснай культурнай і інфармацыйнай прасторы?

Удзельнікі: Валянцін Акудовіч, Ігар Бабкоў, Сяргей Дубавец, Богдан Задура (Польшча), Андрэй Хадановіч і Люба Якімчук (Украіна). 

Мадэратар Ірына Дубянецкая.

Штогадовы Міжнародны паэтычны фестываль імя Міхася Стральцова “Вершы на асфальце” запачаткаваны ў 2012 годзе ГА “Саюз беларускіх пісьменнікаў” і Беларускім ПЭН-цэнтрам. У розныя гады ўдзельнікамі фестывалю былі паэты з Беларусі, Германіі, Ісландыі, Казахстана, Літвы, Латвіі, Нарвегіі, Польшчы, Расіі, Славакіі, Украіны, Швецыі, Фінляндыі, Эстоніі. Сярод традыцыйных мерапрыемстваў фестывалю – паэтычны слэм, літаратурныя чытанні, дыскусіі, прэзентацыя кніг, кніжных серый, музычныя выступы і г.д.

Ужо другі раз Беларускі Калегіюм ладзіць публічнае абмеркаванне вострых праблем літаратуры ў межах фестываля “Вершы на асфальце”.

Усю праграму фестываля можна паглядзець тут.

 

Check Also

Аб’яўленне збору публікацый на прэмію Кангрэса адкладаецца да 20 лютага 2019

Аб’яўленне збору намінацый намінацый на Прэмію за найлепшую навуковую публікацыю ў галіне сацыяльных і гуманітарных дысцыплін ...

Яндекс.Метрика