“Структура палітычнае веды”

Рэгулярны даследчы семінар пры Інстытуце “Палітычная сфера”

Перадгісторыя:

Семінар з’яўляецца працягам даследчага семінара, які быў заснаваны аспірантамі кафедры паліталогіі БДУ ў 2003 годзе (дзейнічаў у 2003 – 2005 гг.).

У 2006 – 2009 гг. (з перарывамі) семінар дзейнічаў у межах Еўрапейскага гуманітарнага універсітэта.

З кастрычніка 2009 года аб’яўлены як рэгулярны даследчы семінар пры Інстытуце палітычных даследаванняў “Палітычная сфера”.

Місія:

Семінар дзейнічае для арганізацыі прафесійнае камунікацыі і абмену ідэямі даследчыкаў палітыкі незалежна ад дысцыпліны і акадэмічнае прыналежнасці.

Фармат:

На семінары прэзентуюцца вынікі даследчае дзейнасці навукоўцаў Беларусі ў выглядзе даклада і жывое дыскусіі па яго сутнасці.

Прадугледжваецца, што семінар спрыяе абмену ідэямі ў галіне вывучэння палітыкі, удасканаленню метадаў і стратэгіі аналізу палітычных працэсаў.

Да ўдзелу запрашаюцца ўсё зацікаўленыя даследчыкі, аналітыкі, а таксама аспіранты і студэнты.

Перыядычнасць семінара: раз на два тыдні.

Абвесткі пра семінар глядзіце на сайце www.palityka.org.

Для дадатковае інфармацыі звяртайцеся на паштовую скрыню info@palityka.org.